ಅಧ್ಯಾತ್ಮ ದೀಪ

ಇರುಳ ಕತ್ತಲೆ ಕಳೆಯೆಸ

ಸಣ್ಣ ದೀಪದ ಬೆಳಕು

ಬಾಳ್ಗತ್ತಲೆಯ ಕಳೆಯೆ

ಅರಿವಿನಾ ಬೆಳಕು

ದಾರಿಗಾಣದೆ ಎಡವಿ

ಬೀಳದಲೆ ಕರೆದೊಯ್ವು

ದಧ್ಯಾತ್ಮ ದೀಪ ಕಾಣ್

ಜಾಣಮೂರ್ಖ//

ರಾತ್ರಿಯ ಭೌತಿಕವಾದ ಕತ್ತಲನ್ನು ಕಳೆಯಲು ಸಣ್ಣದೊಂದು ದೀಪದ ಬೆಳಕು ಸಾಕು. ಆದರೆ ಬದುಕಿನ ಅಂಧಕಾರವನ್ನು ಕಳೆಯಲು ಅರಿವಿನ ಬೆಳಕು ಬೆಳಗಬೇಕು ಕಣಯ್ಯ ಗೆಳೆಯ. ಅದು ಬೆಳಗದೇ ಹೋದರೆ ಬಾಳ ಕತ್ತಲೆಯನ್ನು ಎಂತು ಕಳೆಯಲಾದೀತು ? ಜಗದ ಬದುಕಿಗಡರಿದ ಕಾರ್ಗತ್ತಲನ್ನು  ಸೀಳಿ ಮುನ್ನಡೆಸೋ ಬೆಳಕೆಂದರೆ ಅಧ್ಯಾತ್ಮದ ಅರಿವು ! ಅಧ್ಯಾತ್ಮದ ದೀಪ, ಅಧ್ಯಾತ್ಮ ಜ್ಯೋತಿ ! ಆ ಜ್ಯೋತಿ ಬೆಳಗಿದರೆ ಎಡಹುವ , ದಾರಿ ತಪ್ಪುವ  ಮಾತೆಲ್ಲಿಯದು ? ಅಲ್ಲವೇ ಗೆಳೆಯರೇ ?

✍️ಮುರಳೀಧರ ಹೆಚ್.ಆರ್.